Gedichten
(10)  Sortu lobi
Wan,  Sigsi,
kande lobi
wan lobi di na kande
na raitori
te yu no man moro
da y’sa gi granman oso
wan dey lobi
lobi di e miti
ini wan dey
lobi ini wandey
Tu, Seybi,
ati lobi,                                  
lobi di k’moto fu tu ati          
kon na makandra                  
tan na makandra
teego lobi,
lobi fu te na dede
di e k’moto fu tu ati
fu suma di lobi makandra
Dri,  Aiti,
hati lobi                                 
e libi lobi                               
go suku lobi                                    
fu lobi tan pori 
wan pis’ ten lobi
lobi di baka ten
na gudu, na moi
pe lobi e taki
mi lob’ en
ma mi no de nanga en
ini lobi
Fo, Neygi,
soso lobi                                
tranga lobi                             
di k’moto fu wan ati              
go fu soso   
pina lobi,
a no yu wan’ en
na suma meki y’ tek’ en
Feyfi,   Tin,
respeki lobi,
lobi di e denki
en sabi dati
a abi lobi
adyersi lobi
te yu no sabi moro
y’ sa gi granman oso
Kingbotho
8 september 1992
Let op: deze pagina bevat Audio
Het kan gebeuren dat het even duurt voordat de voordracht "10 Sortu lobi" start.
Start hij helemaal niet installeer dan een nieuwe Flash-player.
Naar de vorige pagina | Previous Page
KingbothoArtStudiO
Haverschmidtstraat 96, 2522 VT Den Haag
Mobiel: 06 57014641
E-mail: kingbotho@hotmail | andre.mosis@gmail.com