Gedichten
A no mi taki

Mi sori mi srefi
fu dorosey fu mek’ yu si
fa mi krin
leki fa yu krin fu dorosey

Now, mi sor’ yu
na  krin fu mi in’ sey
na krin fu mi ati
mi tap’mi ai, mi opo

mi no si yu moro
A no mi taki
kande  yu fergiti  san un gran’ma
ben taigi unu

taki,
taigi mi suma na yu mati
dan mi sa taigi yu
suma na yu

Ef’ yu mati e ley, a e gongosa
yu sabi,
ma te dey opo, f’ te neti
na yu nanga en

y’a wan leyman, y’e gongosa
te go taki, ef a f’ furu, y’o tyar na nen
A no mi taki,
na san un gran’ma ben taigi unu

taki,
ef’ na wentye moi
ma a no ab’ wan sdon libi,
A abi moro leki tu man

yu sabi,
ma ala Gado dey
na yu nanga en
y’o tyar’ na nen

A no mi taki
taigi  mi suma na yu mati
da mi sa taigi yu
suma na yu.

Kingbotho
29 juni 1995
Let op: deze pagina bevat Audio
Het kan gebeuren dat het even duurt voordat de voordracht "A no mi taki" start.
Start hij helemaal niet installeer dan een nieuwe Flash-player.
Naar de vorige pagina | Previous Page
KingbothoArtStudiO
Haverschmidtstraat 96, 2522 VT Den Haag
Mobiel: 06 57014641
E-mail: kingbotho@hotmail | andre.mosis@gmail.com