Gedichten
Asosiye

Engee sii, kon te a mi
Wai y’yesi kon
Mi o gi wan toli
Ma  y’a mu poti en na asosiye, ye

Iyee?
Soo,
Apinti takii, kwasi apaakati, Asaisi Nana kontonbili, gligi segedegi
Da na a ala, ma wan pisi wani taki: mati a sa de eke y’baala

Goontupu engee
Ma a kay ete
Kondee booko so na tuu
Ma wanwan manponsu de taanputaanpu ete

Wakaman na e sabi baka-osu pasi
Ma a uman di pikin en dee, a e sabi fa fu doo neen a neti
Da wan tuutuu onti dagu na e didon neen yesi tapu
A dagu tee sa fini fa a wani, ma a na o kai en tiki

A dati meke inii wan mama e masi angén masi pikin
Inii wan pikin mu abi pasensi angén gaansama
Uman anga man mu abi pasensi gi den seefi te a kai siki
Angan te gaandi kon a buba

Eke tide da kiyooman a de moon,
Na soso jonkuman fika
A wankodo sani di sabi kiyoo ete na foolosu
Bika e y’ bika efu yu tee wan tetee na a fookuuku langalanga te a busi

Ala den foolosu na a wan tetee de den o waka gwe
Da mi ataki go moon so, ma na sabi mi a sabi moon
Toli de ete ma neti satu
Moo eke, da na a doon fu Anainsi: bakaten-bakaten!

San mi taigi yú oli na ede
Ma yá mu poti en na asosiye

Kingbotho
Februari 1988
Let op: deze pagina bevat Audio
Het kan gebeuren dat het even duurt voordat de voordracht "Asosiye" start.
Start hij helemaal niet installeer dan een nieuwe Flash-player.
Naar de vorige pagina | Previous Page
KingbothoArtStudiO
Haverschmidtstraat 96, 2522 VT Den Haag
Mobiel: 06 57014641
E-mail: kingbotho@hotmail | andre.mosis@gmail.com