Gedichten
Mindri Sranan Uma

Man e luku
mindri sranan- uma
fu kan feni wan pikin presi fu didon
teki waran fu sribi switi

Man e luku
mindri sranan- uma
fu opo fruku kon nyan
switi nyanyan
weri krin krosi

Man e luku
mindri  sranan- uma
fu kan feni mama fu pikin

Man e luku
mindri sranan- uma
fu si fa pikin e sorgu
fa pikin e gro-kon tron mama- gro kon tron papa

Man e luku
mindri sranan- uma
fu kan feni wan di kan mek’ man, dyadya man
so dati man kan taki, iya!
m’ e feni lobi mindri sranan- uma

Kingbotho 
December 1991
Naar de vorige pagina | Previous Page
KingbothoArtStudiO
Haverschmidtstraat 96, 2522 VT Den Haag
Mobiel: 06 57014641
E-mail: kingbotho@hotmail | andre.mosis@gmail.com