Gedichten
Na so mi tan

Na so mi de
na so mi tan
na so mi sa tan

Mi noso bigi a plata
mi mofo bigi a bradi

Mi lepi nofo
fu kan meki grontapu
yere mi sten

Mi dron e hari.............
mi  e bari

Mi gau nofo
fu  waka na fesi
go suku un reti

Te mi e meki mi dresi
yu e meki yu prisiri

Mi koni nofo
fu kan prey mi eygi poku,
singi nanga dansi mi eygi kulturu

Te mi e du mi fanoodu
Yu e feni a no de fanoodu

Mi sabi nofo
fu kan seti yeye krin
was’ fiofio pur’na skin

A ten di mi e wasi mi w’wiri- watra
yu ben de na yu sopi- tafra

Tide mi e meki wan koloku prisiri
yu de nanga wan bigi siki firi Ba- suku ba- feni ba- tyari

Kingbotho
November 1991
Naar de vorige pagina | Previous Page
KingbothoArtStudiO
Haverschmidtstraat 96, 2522 VT Den Haag
Mobiel: 06 57014641
E-mail: kingbotho@hotmail | andre.mosis@gmail.com